« ائيله‌مه آزار منه »

 

وعده وئرميشدي چاتا روز-ي ازل يار منه

نييه قيلدي گوًره‌سن هيجري سزاوار منه

يانارام عوًمر- دي، گل، يوْللاريني گوًزله‌يه‌رم

يانان عاشيقلار اوْلوبلار گئجه غمخوار منه

سحرين نازلي يئلي‌يله منه بير يوْللا سلام

تا اوْلونجاق يئني بير فورصت-ي ديدار منه

شاكي‌يم چوْخلو فلكدن كي مني درده ساليب

قوْيماييبدير چاتا وقتينده اوْ ديلدار منه

دؤزگوٍنن شانلي كوًنوٍل بلكه گله يار چاتا

تا ائده درديني بير گوٍن اوًزوٍ ايظهار منه

وئردييين وعده بو گوٍن حاجت اوْلوب احمدي‌يه

وئرمه‌سن حاجتيمي ائيله‌مه آزار منه

 

 

« سيزه نه »

  

حاكيميك كئشور-ي ايرانه جماعت سيزه نه

وئريريك هامييا دستور-ی ايطاعت سيزه نه

 

دئييسيز چوْخ باهادي ات، توْيوق، ميوه بوگون

بيزه مربوطدور اگر، بسدي دخالت سيزه نه

 

ايستيريك بيز ائله‌يك ات توْيوق اوْن مين تومنه

بئله ايجاب ائله‌يير بوردا سياست ،سيزه نه

 

سيزده گر ات توْيوق آثاري تاپيلمير ایل‌یله

هر گئجه اوْلسا اگر بيزده ضيافت سيزه نه

 

يومولو اوْوجوموزو بوردا اگر آچدي زامان

چكميريك بيزده اگر ذرّه خجالت سيزه نه

 

گئديري مغزلر ايراندان اگر سئل- سو كيمين

بيزه لازيم دئييلي مغز-ي سلامت سيزه نه

 

اوْخويور احمدي ييرتير بوْغازين بوْش سؤزولن

اوْياريق گؤزلريني اوْلسا فراغت سيزه نه  

 

 

یارادیب / محمد احمدی

 

خيلقتين باخ ايشينه داييره‌ده ديققت ايله

شئيطاني اوْددان، مني توْرپاق، سني دوزدان ياراديب

لبلرين دوًوره‌لري بال و شكر طعمي وئرير

بئله جيسمين، اوٍره‌يين، بس نييه بوزدان ياراديب

گوًزلر اوٍستوٍنده كامان قاشلارين آلتيندا اوْخو

حلقه‌سين ائيله تماشا گوٍل-ي روْزدان ياراديب

دئديلر گئتمه ياخين وورما الين دامنينه

فيكره گئتديم كي مبادا سني كوًزدن ياراديب

بنزه‌ييرسن گوٍله، حوٍسنوٍن نئچه رنگيله دوْلوب

گوًي ساري آغلي قارا قيرميزي بوْزدان ياراديب